Aquí vos presento a estas dúas patacas que estamos a recuperar.
Son dúas variedades tradicionais galegas, desas que están case desaparecidas por que xa apenas se cultivan.
Non se cultivan por que coma no resto dos cultivos o que se busca é a productividade, a boa conservación, a uniformidade na forma e tamaño... polo que estas patacas non lle interesan a ningún gran productor, nin comercializador. Nin moito menos as multinacionais que venden as sementes e insumos.
Pola contra a nos si que nos interesan, son variedades de patacas ben adaptadas a esta zona e o seu clima, moi baixo dependentes en insumos, pouco vulnerables ás pragas. E ademáis están riquísmas.
O único pero, é que ides ter que esperar para probalas, xa que como dixen estamos "recuperándoas" e polo de agora so temos cantidade para volvelas a prantar para o ano que ven. Este é o segundo ano que colleitamos e polo menos queda outro. Tende paciencia.
No hay comentarios:
Publicar un comentario